எம்.பி.க்கள் சம்பளம் மேலும் 10 ஆயிரம் உயரும்

தினகரன் செய்தி: எம்.பி.க்களுக்கு மேலும் ரூ.10 ஆயிரம் சம்பள உயர்வு அறிவிக்கப்படும் எனத் தெரிகிறது.ஆறாவது ஊதியக் குழு பரிந்துரை அமல்படுத்தியபின் கேபினட் செயலரின் சம்பளம் ரூ.80 ஆயிரமாக உயர்ந்தது. எனவே, அவர்களை விட அதிகமாக எம்.பி.க்களுக்கு சம்பளம் வழங்க வேண்டும் என கோரிக்கை விடப்பட்டது. இதையடுத்து எம்.பி.க்கள் சம்பளம் கடந்த வாரம் 3 மடங்கு உயரத்தப்பட்டது. அடிப்படை சம்பளம் ரூ.50 ஆயிரமாகவும், அலுவலக செலவு மற்றும் தொகுதிக்கான படி ரூ.40 ஆயிரமாகவும், நாள் படி ரூ.2 ஆயிரமாகவும் உயர்த்தப்பட்டது. சம்பளம் மற்றும் படிகளைச் சேர்த்து ஒரு எம்.பி. ரூ.1.40 லட்சம் பெறுவார்.

இந்த சம்பள உயர்வு போதாது என ராஜ்ட்ரிய ஜனதா தளம், சமாஜ்வாடி மற்றும் பகுஜன் சமாஜ் உள்ளிட்ட எதிர்கட்சி உறுப்பினர்கள் அமளியில் ஈடுபட்டனர். பார்லிமென்ட் நடக்காத சமயத்தில், 10 கூட்டங்களில் எம்.பி.க்கள் கலந்து கொள்கின்றனர். இவர்களுக்கு நாள் ஒன்றுக்கு ரூ.2 ஆயிரம் படி வழங்க வேண்டும் என லாலு பிரசாத் யாதவ், முலாயம் சில் யாதவ் ஆகியோர் கூறினர். சம்பளத்தை உயர்த்துவது பற்றி பரிசீலிக்கப்படும் என அரசு அறிவித்தது.இது குறித்து இன்று அமைச்சரவை ஆலோசனை நடத்தி, எம்.பி.க்களின் சம்பளத்தை மேலும் ரூ.10 ஆயிரம் உயர்த்தும் என கூறப்படுகிறது.

கருத்து கந்தசாமி: ஆமாமா, நம்மளுக்காக எவ்வளவு கஷ்டப்படுறாங்க. பாரளுமன்ற நடவடிக்கைகளைப் பார்த்தாலே தெரியுதே. குழாயடிச் சண்டை பரவாயில்லைன்னு ஆக்கிட்டு இருக்காங்க, வாழ்க இந்திய ஜனநாயகம்.

மறக்காம வோட்டுப் போடுங்க

Tweet

சூப்பர் பக் பாக்டீரியா : இங்கிலாந்துக்கு இந்தியா கண்டனம்

தினமலர் செய்தி: சூப்பர் பக் பாக்டீரியாவை இந்தியாவுடன் தொடர்புபடுத்திப்பேசுவது முட்டாள்தனமானது என்று பிரிட்டிஷ் விஞ்ஞானிகளுக்கு மத்திய அரசு காட்டமாக பதிலளித்துள்ளது.

எந்தவித மருந்துகளுக்கும் கட்டுப்படாத சூப்பர் பக் என பெயரிடப்பட்டுள்ள பாக்டீரியா குறித்து கடந்த சில நாட்களுக்கு முன் இங்கிலாந்து விஞ்ஞானிகள் கண்டுபிடித்தனர். மேலும் இவ்வகை பாக்டீரியாக்கள் இந்தியாவிலிருந்து இங்கிலாந்திற்கு பரவியிருக்கலாம் என்றும் கூறினர். விஞ்ஞானிகளின் இந்த கருத்தை வன்மையாக மறுத்துள்ள, மத்திய சுகாதாரத்துறை ஆராய்ச்சி நிறுவன செயலர் கடோச், இச்செய்தி தமக்கு மிகவும் வியப்பளிப்பதாகவும், இத்தகைய பாக்டீரியாக்கள் இந்தியாவிலிருந்து பரவியவை என இங்கிலாந்து விஞ்ஞானிகள் கூறுவது மிகவும் முட்டாள்தனமானது என்றும் தெரிவித்தார்.

கருத்து கந்தசாமி: இதுக்காச்சும் கண்டனம் தெரிவிச்சிருக்காங்களே. மேலைநாட்டு அரசாங்கங்களுக்கு அவர்கள் நாட்டினர் மருத்துவ தேவைகளுக்காக இந்தியாவுக்கு அதிகளவில் வருவதால் ஏற்படும் வயிற்றிரிச்சலால் இப்படியெல்லாம் கதைக் கட்டி விடுகிறார்கள் போலுள்ளது.

மறக்காம வோட்டுப் போடுங்க

Tweet

நாடாளுமன்றத்தில் முதல்முறையாக பதிலளித்தார் மத்திய அமைச்சர் மு.க.அழகிரி

அதிகாலை செய்தி : மத்திய ரசாயனம் மற்றும் உரத்துறை அமைச்சர் மு.க.அழகிரி அமைச்சராகப் பதவியேற்று சுமார் ஓராண்டுக்குப்பின் நேற்றுதான் நாடாளுமன்றத்தில் கேள்வி நேரத்தின்போது பிரதான கேள்வி ஒன்றுக்கு பதிலளித்துள்ளார். மு.க.அழகிரிக்கு இந்தி தெரியாததாலும், ஆங்கிலத்தில் பேச வராத காரணத்தாலும் நாடாளுமன்றத்தில் பேசுவதை மு.க.அழகிரி தவிர்த்து வந்தார். ஆனால், நேற்றை தினம் பாராளுமன்றத்தில் முக்கிய கேள்வி ஒன்றுக்கு ஏற்கனவே தயார் செய்து வைத்திருந்த பதிலை அவர் ஆங்கிலத்தில் வாசித்தார்.

கருத்து கந்தசாமி : தலைவர் அஞ்சாநெஞ்சன் பாராளுமன்றத்தில் ஒரு வருடம் கழித்து பேச ஆரம்பித்ததற்கு ஒரு ஓ போடுங்க

மறக்காம வோட்டுப் போடுங்க

Tweet