நக்ஸல்களுக்கு - ராகுல் பிரார்த்தனை

சென்னை ஆன்லைன் செய்தி: கட்சி நிகழ்ச்சியில் கலந்து கொள்வதற்காக ராகுல் காந்தி பிகார் வந்துள்ளார். போலீஸப்ர் கடத்தப்பட்ட சம்பவம் குறித்து அவர் கூறுகையில், "நக்ஸல்களின் பிடியில் உள்ள 3 போலீஸாரும் பத்திரமாக விடுவிக்கப்பட வேண்டுமென்று பிரார்த்தனை செய்கிறேன். கொல்லப்பட்ட போலீஸ்காரர் குடும்பத்தினருக்கு எனது ஆழ்ந்த இரங்கலைத் தெரிவித்துக் கொள்கிறேன்' என்றார் ராகுல்.

கருத்து கந்தசாமி: என்ன அருமையான தலைவர்கள் நமக்கு கிடைச்சிருக்காங்க. முக்கியமான ஆளுக கடத்தப் பட்டிருந்தா இப்படித்தான் பிரார்த்தனை பன்னிட்டிருப்பாரா

மறக்காம வோட்டுப் போடுங்க

Tweet

4வது முறையாக காங். தலைவராகி சோனியா சாதனை

தட்ஸ்தமிழ் செய்தி: காங்கிரஸ் கட்சியின் தலைவராக நான்காவது முறையாக தேர்ந்தெடுக்கப்பட்டு புதிய சாதனை படைத்துள்ளார் சோனியா காந்தி.

நேற்று அவர் நான்காவது முறையாக போட்டியின்றி தலைவராக தேர்ந்தெடுக்கப்பட்டார். அவரை எதிர்த்து யாரும் போட்டியிடவில்லை.

கருத்து கந்தசாமி: எதுத்து போட்டிப் போடறதுக்கு ஆளே இல்லாத இடத்துல 4 முறையென்ன 400 முறையா வேணுமின்னாலும் சோனியா காந்தியே கட்சி தலைவியாகலாம். இதுலே சாதனை என்னன்னு தான் புரியலை

காங்கிராஸாருக்கு - உங்க கட்சியெலே பதவியிலெ இருக்கிற யாரும் 2 தடவைக்கு மேலே இருக்க முடியாதாமே? நிஜமாவா?

மறக்காம வோட்டுப் போடுங்க

Tweet

அடுத்தது காங்கிரஸ் ஆட்சி

தமிழகத்தில் காங். ஆட்சி வர பாடுபட வேண்டும் - பிரணாப் முகர்ஜி: ‘‘தகவல் பெறும் உரிமை சட்டம், வேலை உறுதியளிப்பு சட்டம், கட்டாய கல்வி சட்டத்தை அமல்படுத்தினோம். விரைவில் உணவுக்கு உறுதி சட்டத்தை நிறைவேற்ற நடவடிக்கை எடுக்கப்பட்டு வருகிறது. மானிய விலையில் அனைத்து தரப்பு மக்களுக்கும் உணவு பொருள் கிடைக்க வழி வகை செய்யப்படும். தமிழகத்தில் கடந்த 40 ஆண்டுகளாக காங்கிரஸ் கட்சி ஆட்சியில் இல்லை. தமிழகத்தில் காங்கிரஸ் ஆட்சிக்கு வருவதற்கு தொண்டர்கள் பாடுபட வேண்டும்’’ என்றார்.

அமைச்சரவையில் பங்கு தரும் கூட்டணியில் இடம் பெறுவோம்-ப.சிதம்பரம்: ந்த மேடையில் பேசியவர்கள் தங்களின் ஆதகங்களை கொட்டிவிட்டு போனார்கள். இங்கு பலரும் பல கேள்விகளை கேட்டு விட்டு போனார்கள். இந்தியாவையே ஆளும் காங்கிரஸ் கட்சி, ஏன் தமிழத்தில் மட்டும் ஆட்சி செய்ய முடியாமல் போனது. அதே ஆதங்கம் எனக்கும் இருக்கிறது. 40 வருடங்களாக தமிழகத்தில் காங்கிரஸ் ஆட்சி வராதா என்ற கனவு எனக்குள்ளும் இருக்கிறது. என்ன, அதை நான் வெளியில் சொன்னதில்லை. என்னுடைய சிறு வயதில் எப்போது காங்கிரசில் இணைந்தேனோ, அப்போதிலிருந்தே இந்த ஆதங்கம் இருக்கிறது.

2004ல் நாம் போட்டியிட்ட போது 145 இடங்களே கைப்பற்றினோம். பாஜகவை விட 7 இடங்களே அதிகம் பெற்றிருந்தோம். கடந்த நாடாளுமன்றத் தேர்தலின்போது எல்லா ஊடகங்களும் அடித்துச் சொன்னது பாஜகதான் ஆட்சியை பிடிக்கும் என்று.

ஆனால் மக்களோ போன முறை 145 மார்க் நமக்கு போட்டார்கள். இந்தமுறை 206 மார்க் போட்டார்கள். இதிலிருந்து தெரிவது என்னவென்றால், நாம் ஒழுங்காக படித்து, தேர்வு எழுதியதாலேயே மக்கள் நாம் நன்றாக படிக்கிறோம் என்பதற்காக இந்த மார்க்கை போட்டார்கள்.

அதேபோல மார்க்கை நாம் தமிழகத்திலும் எடுக்க, நாம் நம்மை தயார் படுத்திக்கொள்ள வேண்டும். வரும் தேர்தலுக்குப் பிறகு, நிச்சயமாக ஆட்சி அதிகாரத்தில் நமக்கும் அதிகாரம் அளிக்கக் கூடிய கட்சியோடுதான் இருக்கப் போகிறோம். அதைத்தான் இங்குள்ள மக்களும் எதிர்பார்க்கிறார்கள். தமிழகத்தில் அடுத்த முறை அமையும் கூட்டணி நாம் அதிகாரம் செலுத்தக் கூடிய கூட்டணியாகவே இருக்க வேண்டும். இருக்கும் என்றார்.

கருத்து கந்தசாமி: வட நாட்டாருக்கு இருக்கிற தைரியம், நம்ம சிதம்பரம் சாருக்கு வர மாட்டேங்குதே. அடுத்த தேர்தலேயும் கூட்டணியிலே பங்குதான் கேட்ப்பாங்க போலேயிருக்கு.

மறக்காம வோட்டுப் போடுங்க

Tweet

ராஜீவ் பேச்சைக் கேட்டிருந்தால் ஈழத் தமிழர்கள் அழிந்திருக்க மாட்டார்கள்-கார்த்தி சொல்கிறார்

தட்ஸ்தமிழ் செய்தி: ராஜீவ்காந்தி பேச்சை கேட்டிருந்தால், இலங்கை தமிழர்கள் இவ்வளவு பேர் அழிந்திருக்க மாட்டார்கள். இலங்கையில் 18 ஆண்டுகளுக்கு முன்னரே அமைதி திரும்பி இருக்கும் என்று பேசியுள்ளார் தமிழக காங்கிரஸ் கட்சியின் நம்பர் டூ கோஷ்டியின் தலைவரான கார்த்தி சிதம்பரம்.

கருத்து கந்தசாமி: காங்ரஸில் பதவி வாங்கனும், வாங்கின பதவியை தக்க வைக்கனும்னா ராஜீவ், சோனியா இல்லாட்டி இவங்க குடும்பத்தார் யாருக்காவது ஜால்ரா தட்டனும். அவரு என்ன பன்னுவாரு பாவம். அவங்கப்பா நிலமை வேறே நக்ஸ்லைட் பிரச்சனையினாலே சரியில்லாமே இருக்குது. அதான் பலமா தட்டுராறு.

மறக்காம வோட்டுப் போடுங்க

Tweet

அணு பாதுகாப்பு மசோதாவை நிறைவேற்றவே மோடி விடுவிப்பு-பாஜக, காங். மீது லாலு பாயச்ச்சல்

தட்ஸ் தமிழ்.ஒன் இண்டியா செய்தி: நாடாளுமன்றத்தில் அணு உலை விபத்து தடுப்பு மசோதாவை சிக்கலின்றி நிறைவேற்ற பாஜகவின் உதவியை நாடியுள்ளது காங்கிரஸ். இதற்காகவே நரேந்திர மோடிக்கு சோராபுதீன் வழக்கில் தொடர்பில்லை என்று சிபிஐ நற்சான்றிதழ் கொடுத்துள்ளது என குற்றம் சாட்டியுள்ளார் ராஷ்டிரிய ஜனதாதள தலைவர் லாலு பிரசாத் யாதவ்.

கருத்து கந்தசாமி: பாவம், லாலுவுக்கு செலக்டிவ் அம்னீஷியா இருக்கும் போலிருக்குது. மாட்டுத் தீவன வழக்குலேருந்து இவரு வெளியிலே வந்ததை வசதியா மறந்துட்டாரே.

மறக்காம வோட்டுப் போடுங்க

Tweet

தமிழக மீனவர்கள் தாக்கப்படும் விவகாரம்

இந்நேரம் செய்தி: கடலில் சர்வதேச எல்லை தாண்டி மீன் பிடிக்க தமிழக மீனவர்கள் செல்லக் கூடாது. அப்படிச் சென்றால் இலங்கை கடற்படை தாக்குதல் நடத்தத்தான் செய்யும். இந்த தாக்குதல்களிலிருந்து தமிழக மீனவர்களை இந்தியாவால் காப்பாற்ற முடியாது. கச்சத்தீவை திரும்பப் பெறுவதற்கு இடமில்லை என்று வெளியுறவு அமைச்சர் எஸ்.எம்.கிருஷ்ணா கூறியுள்ளார்.

கருத்து கந்தசாமி:

பாகிஸ்தான் கடற்பகுதியில மீன் பிடிக்க போய் அங்கே சிறைப்பட்டு கிடக்கும் வட மாநிலத்தான் விவகாரத்தில் இப்படி சொல்வாரா தமிழன்னா உங்களுக்கெல்லாம் இளிச்சவாயனா போயிட்டான். காங்ரஸை ஓட்டு போட்டு ஜெயிக்க வெச்ச தமிழா உனக்கு இதுவும் வேண்டும், இன்னமும் வேண்டும்.


4தமிழ்மீடியா செய்தி: கணிமொழி உரை - இலங்கை மந்திரியாக இருந்தாலும் சரி, அந்த நாட்டின் செய்தி தொடர்பாளராக இருந்தாலும் சரி, மீனவர்கள் தாக்கப்படுவது பற்றி குற்றம்சாட்டினால் அது இந்திய இலங்கைக்கு எதிரான நல்லெண்ணத்தை குலைக்கும் சதி என்கிறார்கள். இதே கதையைத்தான் மீண்டும்,மீண்டும் சொல்கிறார்கள். நாம் தெரிந்து கொள்ள விரும்புவது என்னவென்றால், நமது மீனவர்களை இலங்கை கடற்படையினர் தாக்கவில்லையென்றால், யார் அதைச்செய்கிறார்கள்?

நம் மீனவர்கள் அவர்களுக்குள்ளாகவே சுட்டுக் கொள்கிறார்களா? நம்மிடம் செயற்கை கோள் இருக்கிறது. அதை வைத்து தமிழக மீனவர்களை சுட்டுக் கொல்பவர்களை கண்டுபிடிக்க வேண்டும்" என அவர் தனது உரையில் குறிப்பிட்டதாக அறியப்படுகிறது.

கருத்து கந்தசாமி:

ஆகா என்ன ஒரு அரிய கண்டுபிடிப்பு. இலங்கை அதிகாரிகள் எல்லாம் சத்திய சந்தர்கள். செயற்கைக் கோள் வைத்து கண்டுப்பிடிக்க வேண்டியது தான்.


தினமணி செய்தி: தமிழக மீனவர்கள் மீது இலங்கை கடற்படையினர் தாக்குவது தொடர்பாக மாநிலங்களவையில் புதன்கிழமை திமுக-அதிமுக இடையே கடும் வாக்குவாதம் ஏற்பட்டது.

கருத்து கந்தசாமி:

அடப்பாவிங்களா அவனவன் அங்கே செத்துக்கிட்டு இருக்கிறான். இதுக்குமா சண்டை போடுவீங்க. உங்களையெல்லாம் ஓட்டுப் போட்டு நாடாளுமன்றத்துக்கு அனுப்புனாரே திருவாளர் இளிச்சவாயன் அவருக்கு தேவைதான்.


வெப்துனியா செய்தி: சிறிலங்க கடற்படையினரால் தொடர்ந்து தாக்கப்படும் தமிழக மீனவர்களை பாதுகாக்க முடியாது என்று பகிரங்கமாகக் கூறியுள்ள அயலுறவு அமைச்சர் எஸ்.எம். கிருஷ்ணாவை அமைச்சர் பதவியில் இருந்து நீக்குமாறு பிரதமர் மன்மோகன் சிங்கிற்கு இலங்கைத் தமிழர் பாதுகாப்பு இயக்கத்தின் ஒருங்கிணைப்பாளர் பழ.நெடுமாறன் வேண்டுகோள் விடுத்துள்ளார்.

கருத்து கந்தசாமி:

அய்யா நீங்க ஒருத்தராவது குரல் கொடுத்தீங்களே. தமிழினத்தலைவெரெல்லாம் தமிழருக்காக நிறைய உழைச்சுட்டு தூங்கிட்டிருக்காங்க போலிருக்குது.

மறக்காம வோட்டுப் போடுங்க

Tweet